Sukses i ansamblit “Shebeniku” : Në dy javë ,në dy festival…
Në qytetin e Bajram Currit u zhvillua kë to ditë edicioni i 24-t i festivalit folklorik “Sofra Dardane”, një nga ngjarjet tradicionale që mbledh artistë nga të gjitha trojet shqiptare.
Festivali organizohej nga Unioni Artistik Kombëtar Shqiptar në bashkëpunim me Bashkinë e Tropojës dhe synon ruajtjen, promovimin dhe pasurimin e trashëgimisë folklorike dhe etnografike shqiptare.
Kryetari i Bashkisë së Tropojës, Rexhë Biberaj, tha se Tropoja ka ruajtur ndër vite traditën e këngës dhe vallës si pjesë të identitetit kombëtar.
Ndërsa drejtori i Unionit Artistik Kombëtar Shqiptar, Azgan Haklaj, e cilësoi festivalin si një ngjarje të rëndësishme artistike që bashkon shqiptarët nga të gjitha trevat.
Festivali “Sofra Dardane” zgjati tri ditë dhe solli një paraqitje të artistëve nga Shqipëria, Kosova dhe diaspora.
Librazhdi u përfaqësua në këtë festival me ansamblin “Shebeniku”,të Hotolishtit ,ansambël i cili ndryshe nga dy javë më parë ,ku po ky ansambël mori pjesë në Festivalin e Riteve e lojë rave në Burrel,këtë herë kishte një përfshirje më të gjerë duke bërë pjesë të tij edhe dy valltarët nga Dragostnja,Ilmi Bici e Bujar Balliu,sepse vetë Shebeniku ka një shtrirje të gjerë duke nisur nga Rrajca,Hotolishti,Dragostunja e deri në Fushë Studë .
Mes grupeve pjesëmarrëse në Festivalin “Sofra Dardane”, me krenari ansambli “Shebeniku” paraqiti jo vetëm kostume të stolisura me veshje tradicionale të Rrajcës nga ana e kostumografes,Shpresa Ballshkashi ,kostume që ruajnë kulturën, historinë dhe shpirtin kombëtar,por edhe vallen e bukur të Rrajcës .
Sipas menaxherit të këtij ansambli,Haxhi Balliu,duhet vlerësuar puna plot pasion e këmbë ngulje nga ana e instrumentistit Shefki Kurti ,laureat i disa festivaleve kombetare,jo vetëm si një ideator i ngritjes së ansamblit,por edhe përgatitja e grupit të valleve ku numërohen rreth 60 fë mijë që nga moshat e vogla e deri tek grupi i të rinjve të shkollës së mesme e cila ka qenë një punë vullnetare,pa asnjë lloj mbështetje finaciare. Pjesmarrja e këtij ansambli në dy veprimtari kombëtare e mbarëkombëtare,sic ishte edhe Festivali i Riteve e lojërave që u zhvillua në fillim të këtij muaji në Burrel nga ana e Ministrisë së Turizmit,Kulturës e Sportit dhe Agjensisë Kombëtaret të Veprimtarive Folklorike,si dhe kjo e fundit në “Sofrën dardane”,përbën një sukses jo vetëm për këte ansambël ,por edhe përfaqësimit të Librazhdit në veprimtari të tilla.
Por nuk duhet harruar këtu edhe komuniteti artdashës i Hotolishtit të cilët në një kohë të shkurtër mblodhën donacione për të mbuluar kostot e udhëtimit të ansamblit drejt Burrelit e Tropojës ,pa të cilën nuk do të ishte e mundur kjo pjesmarrje.
